ايدام فاصلية جاوي " بطريقة الروشين "

[JeDDaWi_ReWe$h]

سلاااااااام عليكم ..

اليوم كنت جيعان وطبعا عملت اعلان في المسنجر اني جيعان وجمعت بعض الافكار فجا في بالي اني اسوي ايدام فاصلية جاوي بطريقتي الروشة الخاصة !!


المقاديـر يا قلبي انا مقاديـــــر <-- والله ما يستهبل من جد دي طبخة لزيزة :

1- لحم مقطع قطع صغيرة بس مو صغيرة مرة .. يعني حقت ايدام ..
2- بصل مقطع صغير - طماطم
3- البهارات : ملح ,, فلفل اسود ,, فلفل حار "مطحون زي الملح" ,, كمون
4- حمر " تمر هندي "
5- جوز هند " مطحون "
6- زيت طبخ عادي
7- فاصوليا " مقطع قطع نحيفة
8- خل اسود " غير مخفف "


الطريـــــقة ربنا يجعل طريقنا زمرد :
1- جيب زبدية " صحن غويط " نحط فيه التمر الهندي " الحمر " ونحطلو موية حارة .. نلخبطو شويتين ونغطيه ونسيبو

2- نجيب الصاج ونحط زيت على نار عالية ,, لمن يسخن الزيت نحط البصل الين يحمر بعدين نحطلو الطماطم ... (((( لا تكترو الطماطم احس مو لزيز كترو في دي الطبخة ))))

3- نرمي قطع اللحمة في الصاج مع البصل والطماطم ونقلبو شويتين الين يحمر برضو ونحط فلفل اسود وكمون وكم نقطة خل اسود ( غير مخفف ) ( النار تكون عالية ) ولا تنسو الفلفل الحار البودرة

4- لمن اللحمة كلها تحمر ويتغير لونها نرمي الفاصوليا على اللحمة ونقلبو نقلبو نقلبو ابو 5 دقايق ( على نار عالية )

5- بعد التقليب نحط ملح (( حسب الكمية انا شخصيا ما استخدم كميات معينة بس بالنية الملح والبهارات كل شي بالنية ما عندي مقياس لول ))... المهم نحط الملح ونرش بودرة جوز الهند بس لو شوييية تكتروه عشان طعمو يغطي شوية على الملح.. ونقلبوووو لمدة دقيقة

6- نرخي النار على مديم او 3 ازا كانت ارقام ونغطي القدر

7- بعدها بعشرة دقايق الى كدا ربع ساعة تفتحو الصاج وتشمو الريحة الي تسطل .. وتدوقو شوفو ازا يحتاج ملح ولا جوز هند زيادة ... ازا ما يحتاج شي نرجع لخطوة رقم واحد ونفتح الغطا حق الحمر الي غطيناه ونصبو على الايدام
ونقلبو ونغرفووو وبالهناء والعااااااااااااااااافية

يا جماعة ترا البهارات كلها انا احطها بالنية مافي مقياس معين .. مقياسي هوا عدد الاشخاص + كمية اللحم + كمية الفاصوليا..

انصحكم تسوو جنبو رز ابيض بس بدل ما تستخدمو الزيت .. جربو استخدمو الزبدة ولو تكترو شويتين الزبدة يطلع اطعم ووالملح لازم تزبطووه عشان يطلع مع الزبدة شي اووووخ يا ريقي ساح لول


كنا معكم من مطبخ / جداوي روش

[JeDDaWi_ReWe$h]

كحيـــــــــــــــــــــــــــــــــط عنننننننننننننننن
نسيت احطلكم صورة الطبخة حقتي !!!
وهادا شكل طبختنا النهائية

[JeDDaWi_ReWe$h]

اووووووووف نسيت اقلكم شي في خطوة رقم 6- في طريقة الطبخ لول


نسيت اقلكم تحطولو موية شوية بعدين تغطوه :d

[sunflower]

ياسلاااااااااااام عليك ياشيف روش ,,~

ايش الخطاره والفن حقك في الطبخ والله طلعت آإحســن مني هع

عن جد طلعت الطبخه لزيــزه ,,}

مشكوور والله على جهدك , واستمر ياشيف ,,~

^ ^

[wejdan777]

الجوع و الغربة عاملة عمايلها

خخخخ

بالعافية مطرح ما يسري يمري



يعطيك الف عافية يا خطير

[.. Dior |||~]

يمي يمي ..
واضح ان طعمهاا جوناان

|||~